Жаңа дәуірдің білім ордасы - жарқын болашақ кепілі

      Шымкент қалалық білім басқармасы Ғылыми әдістемелік орталығының жоспарына сәйкес «Болашаққа бағдар: Рухани жаңғыру» бағдарламасы аясында «Жаңа дәуірдің білім ордасы- жарқын болашақ кепілі» тақырыбында 07.12.2018ж. күні №125 жалпы орта білім беретін мектебінде аймақтық семинар өтті. Мұндағы мақсат жаңартылған білім беру мазмұны аясында оқушылардың функционалды сауаттылығын дамыту. Семинарға Шымкент қаласы мектептерінің мектеп басшылары, директордың оқу-әдістеме жұмысы жөніндегі орынбасарлары мен пән мұғалімдері және Созақ ауданының Білім Бөлімі және А.Байтұрсынұлы жалпы орта мектебінің ұстаздары қатысты. Келген қонақтар ашылғанына бір жыл болған жаңа білім ордасындағы «Шебер қолдар» мектеп қолөнершілерінің жұмыстары, «Спорттық үйірме» жұмыстары, Кадет сыныбы, оқушылардың ғылыми жоба жұмыстарымен танысып, мектептің акт залында концерттік бағдарламасымен жалғасты. Концерттік бағдарлама соңында Шымкент қалалық білім басқармасының ғылыми әдіскерлері Бағила Ермекқызы мен Гүлмира Расулқызы, мектебіміздің директоры Әсет Әбдінәбиұлы алғы сөз айтып, семинар бағдарламасымен таныстырды. Қонақтар білім берудегі тәжірибесі мол үздік ұстаздардың ашық сабақтарына еніп, білім берудегі шеберліктерімен шәкіртіне деген сүйіспеншілігін оның тұлға ретінде бағалауын көз жеткізді. Педогог- психолог мамандарының ұйымдастырған психологиялық тренинг сабақтарына қатысып, бүгінгі іс-шарада алған әсерлерімен бөлісті. Өтілген ашық сабақтар бойынша талдау, тәжірибе алмасу, кері байланыс беру үшін қайта жиналып, бүгінгі семинарды қорытындылады. Семинардың жоғарғы деңгейде өткендігін, өздеріне көптеген қажетті дүниелер алғандарын айтып, өз жүрекжарды тілектерін жеткізді. Семинарды қорытындылай келе, Шымкент қалалық білім басқармасының ғылыми әдіскерлері мектеп басшысы келген қонақтарға алғыс білдіріп, шығармашылық табыстар тіледі.